राजस फ्लॉवर

जिन्नस
अर्धा किलो फ्लॉवर
मीठ
ओले खोबरे
मिरेपुड
मार्गदर्शन
एकीकडे फ्लॉवरची फुले धुवून मीठाच्या पाण्यात शिजवायला ठेवावी आणि दुसरीकडे नारळाची वाटी खवणावी. फ्लॉवरची फुले चांगल्या पैकी शिजली की चाळणीवर काढून पाणी जाऊ द्यावे. आता ही फुले ताटात घेऊन त्यावर मिरेपुड व ओले खोबरे भुरभुरावे. हलक्या हाताने हे मिश्रण खाली वर करावे आणि खावे.
टीपा
फ्लॉवर अति शिजवू नये. तसेच बाजारातून फ्लॉवर पांढरट न आणता किंचित पिवळट आणावा. पांढरा धोप फ्लॉवर खायला चांगला लागत नाही. शक्यतो फ्लॉवर, ओले खोबरे ताजेच असावे.
माहितीचा स्रोत
घरी, उपासाच्या दिवशी हा फ्लॉवर प्रकार करत असत.